ಜರ್ಮನಿಯ ಭೌತಶಾಸ್ತ್ರಜ್ಞ ವಿಲ್ಹೆಲ್ಮ್ ರೊಂಟ್ಗೆನ್ ಆಕಸ್ಮಿಕವಾಗಿ X-ರೇಗಳನ್ನು ನವೆಂಬರ್ 8, 1895 ರಂದು ಕಂಡುಹಿಡಿದರು
ಕಡಿಮೆ ಒತ್ತಡದಲ್ಲಿ ಅನಿಲಗಳ ಮೂಲಕ ವಿದ್ಯುತ್ ಹಾಯಿಸುವುದರಿಂದಾಗುವ ಪರಿಣಾಮಗಳನ್ನು ಅಧ್ಯಯನ ಮಾಡುತ್ತಿದ್ದಾಗ ಈ ಕಿರಣಗಳು ಮೂಡಿದವು
ಇವು ಅತ್ಯಂತ ಶಕ್ತಿಯುಳ್ಳ ವಿದ್ಯುತ್ಕಾಂತೀಯ ವಿಕಿರಣಗಳು ಹಾಗೂ ಘನ ವಸ್ತುಗಳನ್ನು ಮೂಲಕ ನುಸುಳಲು ಸಮರ್ಥವಾಗಿವೆ.
ಈ ಸಂಶೋಧನೆಯು ಭೌತಶಾಸ್ತ್ರ ಮತ್ತು ವೈದ್ಯಕೀಯ ಕ್ಷೇತ್ರಗಳಲ್ಲಿ ಕ್ರಾಂತಿಯನ್ನುಂಟುಮಾಡಿತು.
ನವೆಂಬರ್ 8: ಜಾಕ್ ಸೇಂಟ್ ಕ್ಲೇರ್ ಕಿಲ್ಬಿ ರವರ ಜನ್ಮದಿನ
ಜಾಕ್ ಸೇಂಟ್ ಕ್ಲೇರ್ ಕಿಲ್ಬಿ ರವರು 1923ರ ನವೆಂಬರ್ 8ರಂದು ಮಿಸ್ಸೌರಿಯ ಜೆಫರ್ಸನ್ ನಗರದಲ್ಲಿ ಜನಿಸಿದರು.
ಇವರು ಅಮೇರಿಕನ್ ಎಲೆಕ್ಟ್ರಿಕಲ್ ಎಂಜಿನಿಯರ್ ಆಗಿದ್ದರು, ಮೊದಲ ಇಂಟಿಗ್ರೇಟೆಡ್ ಸರ್ಕ್ಯೂಟ್ (IC), ಮಾನೋಲಿತಿಕ್ ಇಂಟಿಗ್ರೇಟೆಡ್ ಸರ್ಕ್ಯೂಟ್ – ಮೈಕ್ರೋಚಿಪ್ ಅನ್ನು 1958ರ ಸೆಪ್ಟೆಂಬರ್ 12ರಂದು ಟೆಕ್ಸಾಸ್ ಇನ್.ಸ್ಟ್ರುಮೆಂಟ್ಸ್ (ಟಿಐ) ನಲ್ಲಿ ಅಭಿವೃದ್ಧಿಪಡಿಸಿದರು.
2000ರಲ್ಲಿ ಕಿಲ್ಬಿಗೆ ಭೌತಶಾಸ್ತ್ರದ ನೊಬೆಲ್ ಪ್ರಶಸ್ತಿ ದೊರೆಯಿತು.
ಅವರ ಆವಿಷ್ಕಾರವು ಆಧುನಿಕ ಮೈಕ್ರೊಎಲೆಕ್ಟ್ರಾನಿಕ್ಸ್ ನ ಕ್ಷೇತ್ತಕ್ಕೆ ಹೊಸ ಪರಿಕಲ್ಪನೆ ಮತ್ತು ತಾಂತ್ರಿಕ ತಳಹದಿಯನ್ನು ಹಾಕಿತು. ಈ ಹೊಸ ತಂತ್ರಜ್ಞಾನವೇ ಇಂದಿನ ಮಾಹಿತಿ ಯುಗದ ಅತ್ಯಾಧುನಿಕ ಹೈ-ಸ್ಪೀಡ್ ಕಂಪ್ಯೂಟರ್ ಗಳು ಮತ್ತು ದೊಡ್ಡ ಸಾಮರ್ಥ್ಯದ ಸೆಮಿಕಂಡಕ್ಟರ್ ಮೆಮೊರಿ ಅಭಿವೃದ್ಧಿಗೆ ನಾಂದಿಯಾಯಿತು.
ಅಲ್ಲದೆ, ಇವರು ಸೂರ್ಯನ ಬೆಳಕಿನಿಂದ ವಿದ್ಯುತ್ ಶಕ್ತಿಯನ್ನು ಉತ್ಪಾದಿಸಲು ಸಿಲಿಕಾನ್ ತಂತ್ರಜ್ಞಾನದ ಬಳಕೆಯನ್ನು ಸಹ ತೋರಿಸಿಕೊಟ್ಟರು.
ನವೆಂಬರ್ 8: ಕ್ರಿಸ್ಟಿಯನ್ ಬರ್ನಾರ್ಡ್ ರವರ ಜನ್ಮದಿನ
ಕ್ರಿಸ್ಟಿಯನ್ ನೀತ್ಲಿಂಗ್ ಬರ್ನಾರ್ಡ್ ರವರು 1922ರ ನವೆಂಬರ್ 8 ರಂದು ಜನಿಸಿದರು
ದಕ್ಷಿಣ ಆಫ್ರಿಕಾದ ಶಸ್ತ್ರಚಿಕಿತ್ಸಕರಾಗಿದ್ದ ಇವರು ವಿಶ್ವದ ಮೊದಲ ಮಾನವ ಹೃದಯ ಕಸಿ ಶಸ್ತ್ರಚಿಕಿತ್ಸೆಯನ್ನು ಯಶಸ್ವಿಯಾಗಿ ನಡೆಸಿದರು.
1967ರ ಡಿಸೆಂಬರ್ 3ರಂದು ನಡೆದ ಐದು ಗಂಟೆಗಳ ಶಸ್ತ್ರಚಿಕಿತ್ಸೆಯಲ್ಲಿ, ಬರ್ನಾರ್ಡ್, ಹೃದಯ ಸಂಬಂಧಿತ ಕಾಯಿಲೆಯಿಂದ ಬಳಲುತ್ತಿದ್ದ ಲೂಯಿಸ್ ವಾಶ್ ಕಾನ್ಸ್ಕಿ (55) ರವರ ಹೃದಯವನ್ನು ಯಶಸ್ವಿಯಾಗಿ ಬದಲಾಯಿಸಿ, ಅಪಘಾತದಿಂದ ಆಸ್ಪತ್ರೆಯಲ್ಲಿ ನಿಧನರಾದ ಅದೇ ರಕ್ತದ ಮಾದರಿಯ ಹೊಂದಿದ್ದ 20 ರ ಹರೆಯದ ಮಹಿಳೆ ಡೆನಿಸ್ ಡಾರ್ವಲ್ ರವರ ಆರೋಗ್ಯವಂತ ಹೃದಯವನ್ನು ಕಸಿ ಮಾಡಿದರು.
ನವೆಂಬರ್ 8: ಟಿ ಎಡ್ಮಂಡ್ ಹ್ಯಾಲಿ ರವರ ಜನ್ಮದಿನ
ಎಡ್ಮಂಡ್ ಹ್ಯಾಲಿ ಯವರು 1656ರ ನವೆಂಬರ್ 8ರಂದು ಜನಿಸಿದರು.
ಇಂಗ್ಲಿಷ್ ಖಗೋಳಶಾಸ್ತ್ರಜ್ಞ ಮತ್ತು ಗಣಿತಶಾಸ್ತ್ರಜ್ಞರಾಗಿದ್ದ ಹ್ಯಾಲಿ ರವರು ಧೂಮಕೇತುವಿನ ಕಕ್ಷೆಯನ್ನು ನಿಖರವಾಗಿ ಅಧ್ಯಯನ ಮಾಡಿದವರು.
ಧೂಮಕೇತುವು ಪ್ರತಿ 76 ವರ್ಷಗಳಿಗೊಮ್ಮೆ ಹಿಂದಿರುಗುತ್ತದೆ ಎಂದು ಹ್ಯಾಲಿ ಲೆಕ್ಕಹಾಕಿ 1758ರಲ್ಲಿ ಅದು ಹಿಂದಿರುಗುತ್ತದೆ ಎಂದು ಸರಿಯಾಗಿ ಊಹಿಸಿದ್ದರು. ಹಾಗೆಯೇ ಅದು ಸ್ವಲ್ಪ ವಿಳಂಬವಾಗಿ 1759ರ ಆದಿಯಲ್ಲಿ ಗೋಚರಿಸಿತು. ಇವರ ಅಧ್ಯಯನದಂತೆ ಹ್ಯಾಲಿಯ ಧೂಮಕೇತುವು 2062ರಲ್ಲಿ ರಾತ್ರಿ ಆಕಾಶದಲ್ಲಿ ಗೋಚರಿಸಲಿದೆ.
