ನವೆಂಬರ್ 18: ಈ ದಿನ, ಅಂದು ಲಿನಸ್ ಪೌಲಿಂಗ್ ರವರು ‘ಸಿ’ ವಿಟಮಿನ್ ಹೆಚ್ಚಿನ ಪ್ರಮಾಣ ಸೇವನೆಯಿಂದ ಶೀತವನ್ನು ದೂರವಿಡಬಹುದು ಎಂದು ಘೋಷಿಸಿದರು.

• 1970ರಲ್ಲಿ, ಲಿನಸ್ ಪೌಲಿಂಗ್ ರವರು ‘ಸಿ’ ವಿಟಮಿನ್/ ಜೀವಸತ್ವವನ್ನು ಹೆಚ್ಚಿನ ಪ್ರಮಾಣದಲ್ಲಿ ತೆಗೆದುಕೊಳ್ಳುವುದರಿಂದ ಶೀತವನ್ನು ದೂರವಿಡಬಹುದು ಎಂದು ಘೋಷಿಸಿದರು.
• ಲಿನಸ್ ಪೌಲಿಂಗ್ ರವರ ‘ವಿಟಮಿನ್ ಸಿ ಮತ್ತು ಕಾಮನ್ ಕೋಲ್ಡ್’ ಎಂಬ ಪುಸ್ತಕ ಪ್ರಕಟವಾದಾಗ ಈ ವಿಷಯದಲ್ಲಿ ಜನಸಾಮಾನ್ಯರ ಆಸಕ್ತಿಯನ್ನು ಹುಟ್ಟುಹಾಕಿತು,
• ಅವರ ಪ್ರಕಾರ ಬಹುತೇಕ ಜನರಿಗೆ ವಿಟಮಿನ್ ‘ಸಿ’ ನ ಸೂಕ್ತ ದೈನಂದಿನ ಸೇವನೆಯು 2.3 ಗ್ರಾಂನಿಂದ 10 ಗ್ರಾಂಗಳವರೆಗೆ ಇರುತ್ತದೆ.
• 2016ರಲ್ಲಿ ಅಮಂಡ ಬುಚರ್ ಮತ್ತು ನಿಕೋಲ್ ವೈಟ್ ಅವರು ಪ್ರಕಟಿಸಿದ ಒಂದು ಅಧ್ಯಯನದ ಪ್ರಕಾರ ವಿಟಮಿನ್ ‘ಸಿ’ ಅನ್ನು ಪ್ರತಿ ದಿನ 0.2 ಗ್ರಾಂ ಅಥವಾ ಅದಕ್ಕಿಂತ ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಿದಾಗ ನೆಗಡಿಯ ತೀವ್ರತೆ ಮತ್ತು ಅವಧಿ ಕಡಿಮೆಯಾಗುತ್ತದೆ.
• ವಿಟಮಿನ್ ‘ಸಿ’ ಮಾನವರ ದೇಹದಲ್ಲಿ ಉತ್ಪತ್ತಿಯಾಗುವುದಿಲ್ಲ, ಆದುದರಿಂದ, ಇದನ್ನು ಆಹಾರದ ಮೂಲಗಳಿಂದ ಪಡೆಯಬೇಕಾಗಿರುತ್ತದೆ
• ತಾಜಾ ಹಣ್ಣುಗಳು ಮತ್ತು ತರಕಾರಿಗಳಂತಹ ಆಹಾರ ಮೂಲಗಳಿಂದ, ವಿಶೇಷವಾಗಿ ಸಿಟ್ರಸ್ ಹಣ್ಣುಗಳ ಮೂಲಕ ವಿಟಮಿನ್ ‘ಸಿ’ ಅನ್ನು ಸೇವಿಸಬಹುದಾಗಿದೆ.