ಪ್ರೊ. ಸಿ. ಎನ್. ಆರ್. ರಾವ್ – ಕೆ.ಎಸ್.ಟಿ.ಎ. ಜೀವಮಾನ ಸಾಧನೆ ಪ್ರಶಸ್ತಿ

ವಿಜ್ಞಾನ, ತಂತ್ರಜ್ಞಾನ, ಎಂಜಿನಿಯರಿಂಗ್, ಕೃಷಿ ಮತ್ತು ವೈದ್ಯವಿಜ್ಞಾನ (ಸ್ಟೀಮ್)ದಲ್ಲಿ ಜೀವಮಾನದ ಸಾಧನೆಗಾಗಿ ಪ್ರೊ. ಸಿ. ಎನ್. ಆರ್. ರಾವ್  ಪ್ರಶಸ್ತಿ

• ಸ್ಟೀಮ್ ಕ್ಷೇತ್ರಕ್ಕೆ ಅವರ ಅತ್ಯುತ್ತಮ ಕೊಡುಗೆಗಳನ್ನು ಗುರುತಿಸಿ ಕರ್ನಾಟಕ ಮೂಲದ ಒಬ್ಬ ನಿಪುಣ ಹಿರಿಯ ವಿಜ್ಞಾನಿ/ತಂತ್ರಜ್ಞಾನಿಯೊಬ್ಬರನ್ನು ಪ್ರಶಸ್ತಿ ನೀಡಿ ಗೌರವಿಸಲಾಗುವುದು. ಆಯ್ಕೆಯಾದ ವಿಜ್ಞಾನಿ / ತಂತ್ರಜ್ಞರನ್ನು ಕೆಎಸ್‌ಟಿಎ ವಾರ್ಷಿಕ ಸಮ್ಮೇಳನದ ಉದ್ಘಾಟನಾ ಸಮಾರಂಭದಲ್ಲಿ ಅಥವಾ ಇನ್ನಿತರ ಪ್ರಮುಖ ಕಾರ್ಯಕ್ರಮದಲ್ಲಿ ರೂ. ಎರಡು ಲಕ್ಷಗಳ ಚಿನ್ನದ ಪದಕ, ರೂ. 1.00 ಲಕ್ಷ ನಗದು ಮತ್ತು ಪ್ರಶಸ್ತಿ ಪತ್ರ ಹಾಗೂ ಅಕಾಡೆಮಿ ಫೆಲೋಶಿಪ್ ಮತ್ತು ಸನ್ಮಾನದೊಂದಿಗೆ ಗೌರವಿಸಲಾಗುವುದು.

ಅರ್ಹತೆ

• ನಾಮನಿರ್ದೇಶಿತರು ಹಿರಿಯ ವಿಜ್ಞಾನಿ / ತಂತ್ರಜ್ಞರಾಗಿರಬೇಕು, ಅವರು 60 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಾಗಿರಬೇಕು ಮತ್ತು ಸ್ಟೀಮ್ ಕ್ಷೇತ್ರದಲ್ಲಿ ಅವರ ವೃತ್ತಿ ಮತ್ತು ಸೇವೆಯಾದ್ಯಂತ ಕನಿಷ್ಠ 20 ವರ್ಷಗಳ ಅವಧಿಯವರೆಗೆ ಗಮನಾರ್ಹವಾದ ಮೂಲ ಕೊಡುಗೆಗಳನ್ನು ನೀಡಿರಬೇಕು.
• ನಾಮನಿರ್ದೇಶಿತರು ಜನ್ಮ ಅಥವಾ ನಿವಾಸ ಅಥವಾ ಸೇವೆಯಿಂದಾಗಿ ಕರ್ನಾಟಕ ಮೂಲದವರಾಗಿರಬೇಕು. ಈ ಪ್ರಶಸ್ತಿಗೆ ನಾಮನಿರ್ದೇಶನಗೊಳ್ಳುವ ಸಮಯದಲ್ಲಿ ಅವರು ಭಾರತ ಅಥವಾ ವಿದೇಶದಲ್ಲಿ ಬೇರೆಲ್ಲಿಯಾದರೂ ವಾಸಿಸುತ್ತಿರಬಹುದು.

ನಾಮನಿರ್ದೇಶನ / ಪ್ರಶಸ್ತಿಗೆ ಮಾನದಂಡ

• ನಾಮನಿರ್ದೇಶಿತರು ವಿದ್ವತ್ಪೂರ್ಣ ಸಂಶೋಧನಾ ಪ್ರಕಟಣೆಗಳು, ವಿಮರ್ಶಾ ಲೇಖನಗಳು, ಹೆಸರಾಂತ ಸಂಸ್ಥೆಗಳಿಂದ ಮುದ್ರಿತವಾಗಿ ಪ್ರಕಟವಾದ ಪುಸ್ತಕಗಳ ರಚನೆ ಮತ್ತು / ಅಥವಾ ಸಂಪಾದನೆಯಿಂದ ಪ್ರಮಾಣೀಕೃತವಾದಂತೆ ಸ್ಟೀಮ್ (ಮೂಲ ಮತ್ತು / ಅಥವಾ ಅನ್ವಯಿಕ ಕ್ಷೇತ್ರಗಳು) ಅಡಿಯಲ್ಲಿ ಅವರ ವಿಶೇಷ ಕ್ಷೇತ್ರಕ್ಕೆ ಗಮನಾರ್ಹ ಮತ್ತು ಸ್ಥಿರವಾದ ಕೊಡುಗೆಗಳನ್ನು ನೀಡಿರಬೇಕು ಮತ್ತು/ಅಥವಾ ಮಾನ್ಯತೆ ಪಡೆದ ಪ್ರಾಧಿಕಾರಗಳಿಂದ ಪೇಟೆಂಟ್ ಪಡೆದಿರಬೇಕು.
• ಹೆಚ್ಚುವರಿಯಾಗಿ, ಕಿರಿಯ ವಿದ್ವಾಂಸರಿಗೆ ತರಬೇತಿ ಮತ್ತು ಮಾರ್ಗದರ್ಶನ ನೀಡುವುದು ಹಾಗೂ ಸಮಾಜದ ಒಳಿತಿಗಾಗಿ ಅಗತ್ಯ-ಆಧಾರಿತ ಮತ್ತು ನವೀನ ಪರಿಹಾರಗಳನ್ನು ಪ್ರಚುರಪಡಿಸುವುದು ಸೇರಿದಂತೆ ಸ್ಟೀಮ್‌ನ ಅಭಿವೃದ್ಧಿ ಮತ್ತು / ಅಥವಾ ಅದರ ಅಡಿಯಲ್ಲಿನ ಸಮಸ್ಯೆಗಳ ತಿಳಿವಳಿಕೆಗಾಗಿ ನಾಮನಿರ್ದೇಶಿತರು ಮಹತ್ವದ ಕೊಡುಗೆಗಳನ್ನು ನೀಡಿರಬೇಕು.
• ಪ್ರಶಸ್ತಿಯನ್ನು ಒಬ್ಬ ವ್ಯಕ್ತಿಗೆ ಒಮ್ಮೆ ಮಾತ್ರ ನೀಡಲಾಗುತ್ತದೆ ಮತ್ತು ಮರಣೋತ್ತರ ಪ್ರಶಸ್ತಿಗಳನ್ನು ಪರಿಗಣಿಸಲಾಗುವುದಿಲ್ಲ
• ಕರ್ನಾಟಕ ಸರ್ಕಾರ ಅಥವಾ ಕೆಎಸ್‌ಟಿಎಯಂತಹುದೇ ಉದ್ದೇಶಗಳನ್ನು ಹೊಂದಿರುವ ಮತ್ತೊಂದು ಸಂಸ್ಥೆ ಈಗಾಗಲೇ ಸ್ಥಾಪಿಸಿರುವ ಮತ್ತು ಕರ್ನಾಟಕ ಸರ್ಕಾರದಿಂದ ಧನಸಹಾಯ ಪಡೆದಿರುವ ಇಂತಹುದೇ ಜೀವಮಾನದ ಪ್ರಶಸ್ತಿಯನ್ನು ಈಗಾಗಲೇ ಪಡೆದವರಿಗೆ ಈ ಪ್ರಶಸ್ತಿಯನ್ನು ಸಾಮಾನ್ಯವಾಗಿ ನೀಡಲಾಗುವುದಿಲ್ಲ.
• ನಾಮನಿರ್ದೇಶನಗಳನ್ನು ನಿಗಧಿತ ನಮೂನೆಯಲ್ಲಿ ಕೊನೆಯ ದಿನಾಂಕದೊಳಗೆ ಅಕಾಡೆಮಿಗೆ ತಲುಪುವಂತೆ ಕಳುಹಿಸಿಕೊಡಬೇಕು
• ಸ್ವನಾಮನಿರ್ದೇಶನ/ಅರ್ಜಿಗಳನ್ನು ಪರಿಗಣಿಸಲಾಗುವುದಿಲ್ಲ

ನಾಮನಿರ್ದೇಶನ ಅರ್ಜಿ ನಮೂನೆ

ಪ್ರೊ. ಸಿ. ಎನ್. ಆರ್. ರಾವ್  ಜೀವಮಾನ ಸಾಧನೆ ಪ್ರಶಸ್ತಿ ಪುರಸ್ಕೃತರು

(ಮೊದಲಿನ ಹೆಸರು: ಅಕಾಡೆಮಿ ಜೀವಮಾನ ಸಾಧನೆ ಪ್ರಶಸ್ತಿ)