ಪ್ರೊ. ರಾಜಾಸಾಬ್ ಎ. ಎಚ್.

ಸಂಕ್ಷಿಪ್ತ ಸ್ವವಿರ

ಬೋಧನೆ ಮತ್ತು ಸಂಶೋಧನೆಯಲ್ಲಿ 43 ವರ್ಷಗಳ ಅನುಭವ ಹಾಗೂ ಉನ್ನತ ಶಿಕ್ಷಣ ಆಡಳಿತದಲ್ಲಿ 30 ವರ್ಷಗಳಿಗೂ ಹೆಚ್ಚು ಕಾಲ ಸೇವೆ ಸಲ್ಲಿಸಿರುವ ಪ್ರೊ. ರಾಜಾಸಾಬ್ ರವರು ಒಬ್ಬ ಪ್ರಖ್ಯಾತ ಶಿಕ್ಷಣ ತಜ್ಞರಾಗಿದ್ದಾರೆ. ತಮ್ಮ ಪ್ರಾಮಾಣಿಕತೆ ಮತ್ತು ದೂರದೃಷ್ಟಿಯ ನಾಯಕತ್ವಕ್ಕೆ ಹೆಸರುವಾಸಿಯಾದ ಇವರು, ಶಿಕ್ಷಣ ಸಂಸ್ಥೆಗಳ ಅಭಿವೃದ್ಧಿ ಮತ್ತು ಅಂತರರಾಷ್ಟ್ರೀಯ ಶೈಕ್ಷಣಿಕ ಸಹಯೋಗಗಳಿಗೆ ಗಣನೀಯವಾಗಿ ಕೊಡುಗೆ ನೀಡಿದ್ದಾರೆ. ಪ್ರಸ್ತುತ ಇವರು ಕರ್ನಾಟಕ ಸರ್ಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯ ಅಂಗ ಸಂಸ್ಥೆಯಾಗಿರುವ ಕರ್ನಾಟಕ ವಿಜ್ಞಾನ ಮತ್ತು ತಂತ್ರಜ್ಞಾನ ಅಕಾಡೆಮಿ (KSTA)ಯ ಅಧ್ಯಕ್ಷರಾಗಿರುತ್ತಾರೆ. 

ಪ್ರೊ. ರಾಜಾಸಾಬ್ ರವರು ತಮ್ಮ ವೃತ್ತಿಜೀವನದಲ್ಲಿ ಹಲವಾರು ಪ್ರಮುಖ ಹುದ್ದೆಗಳನ್ನು ನಿರ್ವಹಿಸಿದ್ದಾರೆ. ಇವರು ತುಮಕೂರು ವಿಶ್ವವಿದ್ಯಾಲಯದ ಕುಲಪತಿಗಳಾಗಿ (2013–2017), ಗುಲ್ಬರ್ಗಾ ವಿಶ್ವವಿದ್ಯಾಲಯದಲ್ಲಿ ವಿಜ್ಞಾನ ಮತ್ತು ತಂತ್ರಜ್ಞಾನ ವಿಭಾಗದ ಡೀನ್ ಆಗಿ ಹಾಗೂ ಕುಲಸಚಿವರಾಗಿ (ಮೌಲ್ಯಮಾಪನ) ಕಾರ್ಯನಿರ್ವಹಿಸಿದ್ದಾರೆ.

ಅಂತರರಾಷ್ಟ್ರೀಯ ಮಟ್ಟದಲ್ಲಿ, ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯ ಹಾಗೂ ಚೀನಾದ ತಿಯಾಂಜಿನ್ ಕೃಷಿ ವಿಶ್ವವಿದ್ಯಾಲಯ ಮತ್ತು ಹಿಲಿಯಾಂಗ್ ಜಿಯಾಂಗ್ ಬಾಯಿ (Heilongjiang Bayi) ಕೃಷಿ ವಿಶ್ವವಿದ್ಯಾಲಯಗಳಲ್ಲಿ, ಸೌದಿ ಅರೇಬಿಯಾ, ಇಥಿಯೋಪಿಯಾ ಮತ್ತು ಎರಿಟ್ರಿಯಾ ವಿಶ್ವವಿದ್ಯಾಲಯಗಳಲ್ಲಿ ಪ್ರಾಧ್ಯಾಪಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ವಿಶ್ವವಿದ್ಯಾಲಯದ ಆಡಳಿತ, ಶೈಕ್ಷಣಿಕ ಲೆಕ್ಕಪರಿಶೋಧನೆ, ಹಣಕಾಸು ನಿರ್ವಹಣೆ, ಪರೀಕ್ಷಾ ಸುಧಾರಣೆಗಳು ಹಾಗೂ ಆಡಳಿತದಲ್ಲಿ ಮಾಹಿತಿ ಮತ್ತು ಸಂವಹನ ತಂತ್ರಜ್ಞಾನ (ICT) ಅಳವಡಿಕೆಯಲ್ಲಿ ಇವರು ಪರಿಣತಿ ಹೊಂದಿದ್ದಾರೆ. ಶೈಕ್ಷಣಿಕವಾಗಿ, ಸಸ್ಯಶಾಸ್ತ್ರ, ಸಸ್ಯ ರೋಗಶಾಸ್ತ್ರ, ‍Fungal biology, ಸಸ್ಯ ಜೈವಿಕ ತಂತ್ರಜ್ಞಾನ, ಸೂಕ್ಷ್ಮಜೀವಶಾಸ್ತ್ರ, Wild edible ಸಸ್ಯಗಳು ಮತ್ತು ಪರಿಸರ ಸಂರಕ್ಷಣೆ ಇವರ ಪರಿಣತಿಯ ಕ್ಷೇತ್ರಗಳಾಗಿವೆ.

ಇವರು 20 ಪಿಎಚ್.ಡಿ. ಮತ್ತು 20 ಎಂ.ಫಿಲ್. ವಿದ್ಯಾರ್ಥಿಗಳಿಗೆ 100ಕ್ಕೂ ಹೆಚ್ಚು ಸ್ನಾತಕೋತ್ತರ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ಮಾಡಿದ್ದಾರೆ ಹಾಗೂ 50ಕ್ಕೂ ಹೆಚ್ಚು ಡಾಕ್ಟರಲ್ ಪ್ರಬಂಧಗಳನ್ನು ಮೌಲ್ಯಮಾಪನ ಮಾಡಿದ್ದಾರೆ. ಇವರು 91 ಸಂಶೋಧನಾ ಲೇಖನಗಳನ್ನು (ಅದರಲ್ಲಿ 17 ಅಂತರರಾಷ್ಟ್ರೀಯ ನಿಯತಕಾಲಿಕೆಗಳಲ್ಲಿ), ಆರು ಪುಸ್ತಕಗಳು (ಸೌದಿ ಅರೇಬಿಯಾದ ತಬೂಕ್ ಪ್ರದೇಶದ ಸಸ್ಯ ಸಂಪತ್ತಿನ ಕುರಿತ ಚಿತ್ರಸಹಿತ ಕೈಪಿಡಿ ಸೇರಿದಂತೆ) ಮತ್ತು ಕನ್ನಡದಲ್ಲಿ 25ಕ್ಕೂ ಹೆಚ್ಚು ಜನಪ್ರಿಯ ವಿಜ್ಞಾನ ಲೇಖನಗಳನ್ನು ಪ್ರಕಟಿಸಿದ್ದಾರೆ. ಸದಸ್ಯರು ಅಂತರರಾಷ್ಟ್ರೀಯ ಮತ್ತು 264 ರಾಷ್ಟ್ರೀಯ ಸಮ್ಮೇಳನಗಳಲ್ಲಿ ಭಾಗವಹಿಸಿದ್ದಾರೆ ಹಾಗೂ ಹಲವಾರು ಪ್ರತಿಷ್ಠಿತ ನಿಯತಕಾಲಿಕೆಗಳಿಗೆ ಸಂಪಾದಕರು ಮತ್ತು ವಿಮರ್ಶಕರಾಗಿ ಸೇವೆ ಸಲ್ಲಿಸಿದ್ದಾರೆ.

ಪ್ರೊ. ರಾಜಾಸಾಬ್ ರವರು ಪರ್ಯಾವರಣ ಮಿತ್ರ ಪ್ರಶಸ್ತಿ, ಕೆ.ಸಿ. ಮೆಹ್ತಾ ಮತ್ತು ಮನೋರಂಜನ್ ಮಿತ್ರ ಪ್ರಶಸ್ತಿ, P. H. Gregory ಯುವ ವಿಜ್ಞಾನಿ ಪ್ರಶಸ್ತಿ ಹಾಗೂ ವಿಶ್ವ ಶಿಕ್ಷಣ ಶೃಂಗಸಭೆಯಲ್ಲಿ ಉನ್ನತ ಶಿಕ್ಷಣ ನಾಯಕತ್ವ ಪ್ರಶಸ್ತಿ ಸೇರಿದಂತೆ ಹಲವಾರು ಪ್ರತಿಷ್ಠಿತ ಪ್ರಶಸ್ತಿಗಳಿಗೆ ಭಾಜನರಾಗಿದ್ದಾರೆ. ಇವರು ಅನೇಕ ಪ್ರತಿಷ್ಟಿತ ಸಂಸ್ಥೆಗಳ ಫೆಲೋ ಆಗಿದ್ದು, ಅವುಗಳಲ್ಲಿ ಪ್ರಮುಖವಾದವುಗಳು ಕರ್ನಾಟಕ ವಿಜ್ಞಾನ ಮತ್ತು ತಂತ್ರಜ್ಞಾನ ಅಕಾಡೆಮಿ, ಇಂಡಿಯನ್ ಫೈಟೊಪಾಥಲಾಜಿಕಲ್ ಸೊಸೈಟಿ (IPS), ಇಂಡಿಯನ್ ಸೊಸೈಟಿ ಆಫ್ ಮೈಕಾಲಜಿ ಅಂಡ್ ಪ್ಲಾಂಟ್ ಫೆತಾಲಜಿ (ISMPP) ಮತ್ತು ಇಂಡಿಯನ್ ಏರೋಬಯಾಲಾಜಿಕಲ್ ಸೊಸೈಟಿ (IAS). ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ವೈಜ್ಞಾನಿಕ ಸಂಘಗಳಲ್ಲಿ ಜೀವಮಾನ ಸದಸ್ಯತ್ವ ಹೊಂದಿದ್ದು, ಕರ್ನಾಟಕ ಉನ್ನತ ಶಿಕ್ಷಣ ಪರಿಷತ್ತಿನ ಕಾರ್ಯಕಾರಿ ಮತ್ತು ಸರ್ವ ಸದಸ್ಯರ ಸಭೆಯ ಸದಸ್ಯರಾಗಿದ್ದಾರೆ. ಇವರು PMEB, IQAC ಶೈಕ್ಷಣಿಕ ಮಂಡಳಿಯಂತಹ ಹಲವಾರು ಶೈಕ್ಷಣಿಕ ಸಮಿತಿಗಳಲ್ಲಿ ಸೇವೆ ಸಲ್ಲಿಸಿದ್ದು, NAAC, RUSA, UGC ಯೋಜನೆಗಳು ಮತ್ತು NEP-2020 ಪಠ್ಯಕ್ರಮ ಸಿದ್ಧತೆಗೆ ಸಂಬಂಧಿಸಿದ ಸಮಿತಿಗಳ ಅಧ್ಯಕ್ಷತೆ ವಹಿಸಿದ್ದಾರೆ. ಹಾಗೂ ಕುವೆಂಪು ವಿಶ್ವವಿದ್ಯಾನಿಲಯ, ಮಂಗಳೂರು ವಿಶ್ವವಿದ್ಯಾನಿಲಯ ಮತ್ತು ಕರ್ನಾಟಕ ವಿಶ್ವವಿದ್ಯಾನಿಲಯಗಳ ಕುಲಪತಿ ನೇಮಕ ಸಂಬಂಧ Search Committee ಅಧ್ಯಕ್ಷರಾಗಿ ಸಮರ್ಪಕವಾಗಿ ಕಾರ್ಯನಿರ್ವಹಿಸಿರುವರು.

ಮುಂದುವರೆದು ಚೀನಾ, ಅಮೆರಿಕ, ಬೆಲ್ಜಿಯಂ, ಮೆಕ್ಸಿಕೋ, ಸೌದಿ ಅರೇಬಿಯಾ, ಇಥಿಯೋಪಿಯಾ, ಎರಿಟ್ರಿಯಾ ಮತ್ತು ಸ್ವಿಟ್ಜರ್ಲೆಂಡ್‌ಗಳಿಗೆ ಶೈಕ್ಷಣಿಕ ನಿಯೋಗಗಳ ನೇತೃತ್ವ ಮತ್ತು ಆಹ್ವಾನಿತ ಉಪನ್ಯಾಸಗಳನ್ನು ನೀಡಿರುವರು. ಶ್ರೀಯುತರು ಯು.ಎಸ್. ಗ್ರೇನ್ಸ್ ಕೌನ್ಸಿಲ್ ಮತ್ತು ಸ್ಟೇನ್ಸ್ & ಕಂ. ಸಂಸ್ಥೆಗಳಿಗೆ ಬೆಳೆ ರೋಗ ನಿರ್ವಹಣೆ ಹಾಗೂ ಜೈವಿಕ ಉತ್ಪನ್ನಗಳ ಮೌಲ್ಯಮಾಪನ ಕುರಿತು ಸಲಹೆಗಾರರಾಗಿಯೂ ಕೆಲಸ ಮಾಡಿದ್ದಾರೆ. ಶ್ರೀಯುತರು ಸಸ್ಯ ರೋಗಶಾಸ್ತ್ರ ಮತ್ತು ಪರಿಸರ ಅಲರ್ಜಿನ್‌ಗಳ ಕುರಿತಾದ DST, ICMR ಮತ್ತು ಗುಲ್ಬರ್ಗಾ ವಿಶ್ವವಿದ್ಯಾಲಯದ ಅನುದಾನಿತ ಯೋಜನೆಗಳ ಸಂಶೋಧನಾ ಮಾರ್ಗದರ್ಶಕರಾಗಿ ಸೇವೆ ಸಲ್ಲಿಸಿದ್ದಾರೆ. ಪ್ರೊ. ರಾಜಾಸಾಬ್ ರವರು 1974 ರಲ್ಲಿ ಬಿ.ಎಸ್ಸಿ. (CBZ) ಪದವಿಯನ್ನು, 1976 ರಲ್ಲಿ ಮೈಸೂರು ವಿಶ್ವವಿದ್ಯಾಲಯದಿಂದ ಸಸ್ಯಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿಯನ್ನು ಮತ್ತು 1981 ರಲ್ಲಿ ಮೈಕಾಲಜಿ ಮತ್ತು ಸಸ್ಯ ರೋಗಶಾಸ್ತ್ರದಲ್ಲಿ ಪಿಎಚ್.ಡಿ. ಪದವಿಯನ್ನು ಪಡೆದಿದ್ದಾರೆ. Ph.D. ಸಂಶೋಧನೆಯನ್ನು ICARನ ಜೂನಿಯರ್ ಮತ್ತು ಸೀನಿಯರ್ ರಿಸರ್ಚ್ ಫೆಲೋಶಿಪ್‌ ಧನ ಸಹಾಯದಿಂದ ಕೈಕೊಂಡಿರುವರು.

ಪ್ರೊ. ರಾಜಾಸಾಬ್ ರವರು ತಮ್ಮ ಶಿಕ್ಷಣ ಜೀವನದ ಪ್ರೇರಣೆಯನ್ನು “ಜ್ಞಾನವನ್ನು ಹಂಚಿದಷ್ಟು ಬೆಳೆಯುತ್ತದೆ” ಎಂಬ ಧೊರಣೆಯೊಂದಿಗೆ, ಜ್ಞಾನವೃದ್ಧಿಯ ಮೂಲಕ ಸಮಾಜಕ್ಕೆ ಒಳ್ಳೆಯದನ್ನು ಸಾಧಿಸಲು ಬದ್ಧರಾಗಿದ್ದಾರೆ. ವಿದ್ಯಾರ್ಥಿಗಳೊಂದಿಗೆ ನೇರವಾಗಿ ಸಂವಹಿಸುವುದು, ಅವರ ಪ್ರಶ್ನೆಗಳನ್ನು ಉತ್ತರಿಸುವುದು ಇವರ ಸಂತೋಷದಾಯಕ ಕಾರ್ಯವಾಗಿದೆ. ತಂತ್ರಜ್ಞಾನ ಬಳಸುವಲ್ಲಿ ಜ್ಞಾನ ಅಷ್ಟೆ ಮುಖ್ಯವಲ್ಲ ಮೌಲ್ಯವೂ ಮುಖ್ಯ  ಎಂದು ಅರಿತಿದ್ದಾರೆ.  

ಶ್ರೀಯುತರ ಜನನ 03 ಏಪ್ರಿಲ್, 1955, ನವಿಲೇಹಾಳ್ ಗ್ರಾಮ, ಚನ್ನಗಿರಿ ತಾಲ್ಲೂಕು ಶಿವಮೊಗ್ಗ ಜಿಲ್ಲೆ. ರೈತಾಪಿ ಕುಟುಂಬದ ಹಿನ್ನೆಲೆ. ಪ್ರೌಢಶಾಲೆಯವರೆಗೂ ಕನ್ನಡ ಮಾಧ್ಯಮದಲ್ಲಿ ಅಭ್ಯಸಿಸಿ ಉತ್ತಮ ಪ್ರಾಧ್ಯಾಪಕರಾಗಿ, ವಿಜ್ಞಾನಿಯಾಗಿ, ಕುಲಪತಿಯಾಗಿ ಕನ್ನಡ ಮತ್ತುಇಂಗ್ಲಿಷ್ ಎರಡೂ ಭಾಷೆಗಳಲ್ಲಿ ವೈಜ್ಞಾನಿಕ ಸಂಶೋಧನೆಯನ್ನು ನಡೆಸಿ ಗುಣಮಟ್ಟದ ಸಂಶೋಧನಾ ಲೇಖಕನಗಳು ಮತ್ತು ಪುಸ್ತಕಗಳನ್ನು ಪ್ರಕಟಿಸಿದ್ದಾರೆ.